shadow

یەکێتی بوون چ شانازییەکی گەورەیە …..!
مستەفا شێخ محەمەد
شەوێک پێش ئەنجامدانی ریفراندۆم لە کەرکوک چی رویدا؟

شەوی 24 /9/ 2017 لە میدیاکان وا بڵاوکرایەوە کە یەکێتی نیشتیمانی کوردستان نایەوێت، لە پارێزگای کەرکوک و ناوچە دابڕێنراوەکان ریفراندۆم بکرێت، هەروەها ئاماژە بەوە کرا کە ئاسایشی یەکێتی دەستی بەسەر سندوقەکانی دەنگدان داگرتوە، ئەمەش دوای نارەزایەتی مەڵبەندی یەکێتی لەو شارە هات، بەڵام ئەو هەواڵانە کۆمەڵێک هۆکاری لە پشتەوەیە. ئەمەی ئەخوێنیەتەوە بەشێکە لە راستیەکانی روداوەکانی ئەو شەوەیە؛ دەزگاکانی یەکێتی ئاگاداری پیلانێکی دولایەنەی ناوچەی دەبن، بۆ ئەوەی ریفراندۆم لە کەکوک و ناوچە دابڕێنراوەکان ئەنجام نەدرێت، ئەوەش نیگەرانی یەکێتی لێدەکەوێدەکەوێتەوە، داوا لە پارتی دەکەن بۆ ئەوەی روبەروی پیلانەکە ببنەوە یاخود ریفراندۆم دوابخرێت.! بەڵام وەک پێویست پارتی گرینگی بەو بابەتە نادات، داوا دەکات یەکێتی بەنوسراوێک داوای هەڵوەشاندنەوەی ریفراندۆم لە کەرکوک بکات، بەڵام یەکێتی ناچێتە ژێر ئەو داوایە ، ئەوەش کاردانەوەی جۆراوجۆری لێکەوتەوە.

چەندین بەیاننامە لە لایەن کەسایەتیەکانی یەکێتی دەرکران سەبارەت بە ئەنجامدانی ریفراندۆم، دواترینیان بەیاننامەکەی ئەنجومەنی ناوەند بو کە ئەنجامدانی ریفراندۆمی لە تەواوی کوردستان بە ئەنجامدانی ریفراندۆم لە کەرکوک بەستەوە.! دوای ئەوەی بارزانی لە کۆبونەوە جەماوەریەکەی هەولێر دڵنیای دا کە ریفراندۆم دەکرێت و لەم کاتەشدا چەندین وەفدی وڵاتان لە هەرێمی کوردستان بون، شەوی 24 مانگ دوای ئەوەی هەمو هەوڵەکان بۆ هەڵوەشاندنەوەی ریفراندۆم شکستیان هێنا، پیلانی دوو ووڵاتی ناوچەی ئەوە بوە، بە پەکخستنی ریفراندۆم لە کەرکوک شکست بە ریفراندۆم بێنن، ئەوپیلانەش خرابوە کۆتا ساتەکان وەک پیلانێکی یەدەگ له کاتێک نەتوانن دەسەڵاتدارانی هەرێم لە پرۆسەکە پەشیمان بکەنەوە، پیلانەک بەو جۆرەیە[ رێبوار تاڵەبانی سەرۆکی ئەنجومەنی پارێزگای کەرکوک و چەند ئەندامێکی دیکەی کورد بڕفێنن و دواتر بە هاوکاری ئەندامە عەرەب و تورکمانەکان کۆبونەوەیەکی ئەنجومەنی پارێزگای کەرکوک دەکرێت و دوو بڕیار دەدات] یەکەم؛ نەجمەدین کەریم لە پارێزگاریەتی کەرکوک لابدەن. دوەم؛ بڕیار بدەن کە ریفراندۆم لە پارێزگای کەرکوک هەڵوەشێتەوە.

بەم جۆرە دەرگای ئاشوبێکی گەورە لە شارەکە دەکرایەوە، بەڵام یەکێتی و دژە تیرۆر و لاهوری شێخ جەنگی لە کاتی خۆیدا گەیشتونەتە، شارەکە و بڵاویانکردەوە ڕێگا نادەن، ریفراندۆم لە کەرکوک بکرێت، هەروەها رێبوار تاڵەبانی لەو پیلانە دەپارێزن [رێبوار تاڵەبانی رۆڵێکی زۆر باش دەبینێت لە پوچەڵکردنەوەی پیلانەکە هاوکاری گرینگ دەکات]، بارودۆخەکە بە گرژیەکی زۆر بارگاوی دەبێت، چەندین بەیاننامەی جۆراوجۆر لە لایەن یەکێتی بڵاو دەکرێنەوە، زۆربەی سەرکردایەتی یەکێتی دەگەنە شاری کەرکوک، چەندین هەواڵی جۆراو جۆر بڵاو دەکرێنەوە، بارودۆخەکە بە ناڕونی دەهێڵدرێتەوە، تاکو وەفدێکی یەکێتی لە نیوەرۆی رۆژی 24ی مانگ، لە گەڵ بارزانی کۆدەبنەوە، بڕیاری یەکێتیان پێڕاگەیاند یان ریفراندۆم لە هەمو کوردستان بەکەرکوکەوە دەکرێت یاخود رێگانادەن لە شوێنەکانی دیکەش بکرێت، بەم جۆرە ، تا ئێوارەی رۆژی 24ی مانگ دۆخەکەیان لە نێوان ئاگەری کردن و نەکردن دەهێڵنەوە، بەمەش هەردو دەوڵەتی خاوەن پیلانەکیان لە چاوەروانی روداو پێشهاتەکان هێشتەوە، بەجۆرێک دەرفەتی بەکار خستنی پیلانی دیکەش نەمێنێت.. لە بەر ئەو هۆکارەش بو کۆنگرە رۆژنامەوانیەکەی بارزانی لە رۆژی پێش ریفراندۆم کە بڕیار بو کاتژمێری 1ی دوای نیوەرۆ بکرێت، کەوتە ئێوارەیەکی درەنگی رۆژی 24 ی مانگ. ئەو سەر چاوە بەرپرسەی لە ناو روداوەکان دابوو، رونیان کردەوە، کە یەکێتی مەترسی هەبو ریفراندۆم لە کەرکوک نەکرێت، بۆیە خۆیان خستە نەیاری ئەنجامدانی پرۆسەکە لە کەرکوک، بۆ ئەوەی دۆخکە لە ژێر کۆنترۆڵی خۆران بێڵنەوە، ئاماژەی پێدا یەکێتی نەدەچوە ناو پڕۆسەکە بێ کەرکوک.

زانیاریەکان ئاماژە بەوە دەکەن کە هەماهەنگی لە ئاستێکی بەرز هەبوە بۆ چۆنیەتی تێپەراندنی دۆخەکە و پوچکردنەوەی پیلانەکەش لەناویدا. پەیوەست بەم بابەتە دەنگدانی هێرۆ ئیبراهیم ئەحمەد لە کەرکوک وەک وەڵامدانەوەیەک بو بۆ خواستی یەکێتی و سوربونی لە سەر بەشداری کەرکوک. تێبینی بکەن رونکردنەوەکەی لاهوری شێخ جەنگی کە خۆشی بۆ کۆنترۆڵکردنی دۆخەکە لەکەرکوک بو، چەند پەیامێکی تێدایە، کە ئەو زانیاریانەی سەرەوە دوپات دەکەنەوە. ئەو زانیاریانە دەریدەخەن، راپۆرتە رۆژنامەوانیەکانی لەمباریەوە خراونەتە روو، چەواشەکاریەکی ئاشکرایە و پێچەوانەی هەقیقەتی روداوەکانە، بەتایبەتی راپۆرتەکەی روداو.

 

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *