shadow

 

له‌ دانیشتنی ئه‌مڕۆی په‌رله‌مانی عیراقدا ده‌نگ له‌سه‌ر لابردنی نه‌جمه‌دین که‌ریم، وه‌ک پارێزگاری که‌رکوک دراو ئه‌ندامێکی په‌رله‌مانیش رایگه‌یاند، پرۆسه‌که‌ ته‌واو نایاسایی بوو، چونکه‌ نه‌ په‌رله‌مان و نه‌ سه‌رۆک وه‌زیران مافی ئه‌وه‌یان نیه‌ پارێزگاری که‌رکوک لا ببه‌ن.

173 پەرلەمانتار ئامادەی دانیشتنەکە بوون و هەموویان دەنگیان بە دوورخستنەوەی نەجمەدین کەریم، پارێزگاری کەرکووک لە پۆستەکەی داوە، ئەوەش دوای ئەوە هات، هەر ئەمڕۆ حەیدەر عەبادی، سەرۆکوەزیرانی عێراق واژۆی لەسەر داوایەک بۆ لابردنی نەجمەدین کەریم کرد و رەوانەی پەرلەمانی کرد.

شەوی چوارشەممە 13-9-2017 ، لە میانەی بەشداریکردنی لە بەرنامەی (رووداوی ئەمڕۆ) ، د.نەجمەدین کەریم وتی “من لە پەرلەمانی عێراقەوە متمانەم پێنەدراوە تاوەکو ئەوان لێم وەربگرنەوە، ئەو کەسەی منی هەڵبژاردووە و کراوم بە پارێزگار ئەنجوومەنی پارێزگای کەرکووک بووە. لە کۆتا هەڵبژاردن من دەنگی نیوەی زیاتری خەڵکم هێناوە، تاوەکو هەڵبژاردنێکی دیکە و تا خەڵکی کەرکووک منی بوێت خزمەتیان دەکەم، چ کاتێک خەڵکی کەرکووک بڕیاری ئەوەی دا کە پێویستیان بە کاری من نییە، ئەوکاتە من ملکەچ دەبم بە هەموو دەستوورەکانیان، بەڵام من لێرە خزمەتی خەڵکی کەرکووک دەکەم و خەڵکی کەرکووک بڕوای خۆی داوە بەمن نەک پەرلەمانی عێراق”.

ئەوەش لە کاتێکدایە دوو رۆژ پێش ئێستا لە کاتی سەردانەکەی بۆ کەرکووک، مەسعود بارزانی رایگەیاند، لە پەرلەمانی عێراق هەوڵی لابردنی نەجمەدین کەریم لە پۆستەکەی دەدرێت، “بەڵام ئێمە بە قسەیان ناکەین و گوێشیان نادەینێ”.

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *