shadow

وەستا رەسوڵ هۆشیاری دەدات.. هیچ هێزێک بە ئاراستەی سنوری هەرێم جوڵەی پێ نەکراوە

ئەندامی سەرکردایەتی یەکێتی‌و فەرماندەی ئۆپەراسیۆنەکانی باشوری کەرکوک، وەستا رەسوڵ، لەسەر جوڵە پێکردنی چەکدارانی حەشدی شەعبی، رايگەیاند ئەو ھێزانەی لەسنورەکەدا ھەن سەر بەسوپای عیراقن نەک حەشدی شەعبی و هیچ مەترسیەکیش لەسەر قەرەهەنجیر نیە.

وەستا رەسوڵ، وتیشی “مەترسی لەسەر سنوری ناحیەی قەرەھەنجیر نییە، جگەلەوەش ھیچ ھێزێکیش لەو ناوچانە بەئاراستەی سنوری ناحیەی قەرەھەنجیرو بەتایبەتیش ھەرێم جوڵەیان پێنەکراوە”.

دەربارەی ناسنامەی ئەو هێزەی عێراق کە ئێستا لەو سنورانەن ئەو وتی “ئەو ھێزانەی لەو سنورانەدا ھەن فرقەی پێنجی سەر بەسوپای عیراقن، واتە حەشدی شەعبی لەو ناوچانە بونیان نییەو فرقەی پێنجیش جوڵەیان پێنەکراوەو بڵاوکردنەوەی ئەو ھەواڵانەش ھیچ بنەمایەکی نییە، ھیچ ھەماھەنگی و ڕێکەوتنێکیشمان لەگەڵیاندا نییە”.

 

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *