shadow

وەزارەتی تەندروستی حكومەتی هەرێمی كوردستان سەبارەت بەنەخۆشی كۆلێرا راگەیەندراوێكی بڵاوكردەوە‌و تیایدا هاتوە سەبارەت بەرەوشی كۆلێرا لەهەرێمی كوردستان وەزارەتی تەندروستی هاونیشتمانیان دڵنیادەكاتەوە كە زۆر بەزانستیانە و پلانێكی تۆكمە لەسەرەتای مانگی 4 خۆی ئامادەكردوە بۆ بەرگرتن لەبڵاوبونەوەی ئەو نەخۆشیە هەر لەدروستكردنی ژوری عەمەلیات و بەدواداچون لەپارێزگا و قائیمقامیەتەكان تابەدواداچون و پشكنینی سەرچاوەكانی ئاوی خواردنەوە و پشكنینی رێژەی كلۆر تیایاندا بكەن .

لەبەشێكیتری راگەیەنداروەكەدا هاتوە :بەدواداچونی تەواوكراوە بۆ شوێنە گشتیەكان و چیشتخانە و مەلەوانگە و كارگەكانی سەهۆڵ‌و رێنمایی پێویست و رۆشنبیری تەندروستی بەناو هاونیشتمانیان بڵاوكراوەتەوە، دەرمان و پێداویستی پزیشكی و قاوشی تایبەت بۆ ئەو نەخۆشیە ئامادەكراوە . لەبەشێكی دیكەی راگەیەندراوەكەی وەزارەتدا هاتوە نەخۆشی كۆلێرا نەخۆشیەكە هۆكاری سەرەكی بڵاوبونەوەی ئاوە و پاشان خواردنە بۆیە وەزارەتی تەندروستی بەهاماهەنگی لەگەڵ وەزارەتی شارەوانی و پارێزگا و قائیمقامیەتەكان بەدواداچونی تەواوی بۆ سەرچاوەكانی ئاو كردوە و دەكات . سەبارەت بەژمارەی توشبوانی ئەو نەخۆشیە لەهەرێم، لەراگەیەنداراوەكەی وەزارەتی تەندروستی هاتوە ئێستا بارودۆخ لەژێر كۆنترۆڵدایە و تەنها (2) حاڵەت لەدهۆك و2 لەهەولێر سەلمێنراوە كەپێمانوایە ئەوە ئەنجامی ئەو شەپۆلە نەخۆشیەیە كە لەناوەراست و خواروی عێراق بڵاوبۆتەوە وەك رێكخراوی تەندروستی جیهانی دەڵێت نەخۆشی سنوری نییە . وەك دڵنیاكردنەوەی هاوڵاتیانیش، لەراگەیەندراوەكەی وەزارەتی تەندروستیدا هاتوە وەزارەتی تەندروستی هاوڵاتیان دڵنیادەكاتەوە كە زۆر بە رونی و ئاشكرا هەروەك چۆن پێشتر مامەڵەی لەگەڵ بڵاوبونەوەی نەخۆشیەكان كردوە ئێستا مامەڵە لەگەڵ ئەو حاڵەتەش دەكات‌و لەرێوشوێنەكان بەردەوام دەبێت بۆ كۆنترۆڵكردنی ئەم نەخۆشیە .

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *