shadow

 

‎ئێوارەی پێنجشەممە ١٨/١/٢٠١٨ لەشاری سلێمانی كۆسرەت ڕەسول عەلی جێگری سكرتێری گشتی یەكێتی نیشتمانی كوردستان. پێشوازیكرد لە فەرماندە سەربازییەكانی سنووری پشدەرو بتوێن و باڵەكایەتی.

‎دیدارەكە كە بەمەبەستی بەخێرهاتنەوەو جێگیربوونی باری تەندروستی كۆسرەت ڕەسول ئەنجامدرابوو، فەرماندە سەربازییەكان دڵخۆشی خۆیان بەجێگیربوونی  تەندروستی كۆسرەت ڕەسول دەربڕی و باسیان لەڕۆڵ و پێگە و گرنگی بەشداری لە چارەسەركردنی كێشەكاندا كردو هیوایان خواست بەگوڕتر لەجاران كاربكات.‎

لای خۆیەوە كۆسرەت ڕەسول عەلی وێڕای سوپاس و پێزانینی بۆ فەرماندە سەربازییەكان جەختی لەوە كردەوە كە ئامادەیە لەپێناو گەلی كورد و مافەكانی هەموو قوربانییەك بدات و بەردەوام بێ لە خزمەتكردن.

‎هاوكات ڕۆڵی فەرماندە سەربازییەكان و پێشمەرگە قارەمانەكانی لەقۆناغە جیاوازەكانی خەباتی گەلی كورد بەرزنرخاندو ڕایگەیاند كە ئەوان خاوەنی ڕاستەقینەی دەستكەوتەكانن و دەبێت ڕۆڵیان هەبێت لە پاراستنی ئەو دەستكەوتانە.

thumbnail (1) [1280x768].jpg

thumbnail (2) [1280x768].jpg

thumbnail (3) [1280x768].jpg

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *