shadow

 

عەبدوڵڵا بۆر فەرماندەی پێشمەرگە لەسنوری ڕاپەڕین، هۆشداری لەهاندانی هاوڵاتیان بۆ هەڵكوتانە سەر ماڵەكەی دەدات و پشتیوانی خۆیشی بۆ خۆپیشاندانی مەدەنیانە دەردەبڕێت، ڕاشیدەگەیەنێت: هەندێك لایەن هەوڵی نانەوەی پشێوی دەدەن.

عەبدوڵڵا بۆر فەرماندەی پێشمەرگە لەڕونكردنەوەیەكدا، ئەوەیخستۆتەڕوو، بەهۆی قەیرانە سیاسی و داراییەكانی هەرێم، دۆخێكی نەخوازراو ڕووبەڕووی خەڵكی كوردستان بۆتەوە، بەو هۆیەش لەچەند شوێنێك خۆپیشاندانی  لێكەوتەوە، لەسنوری ڕاپەڕینیش وێڕای خۆپیشاندان، بەئامانجی دورخستنەوەی داواكاری خۆپیشاندەران، ئاراستەكەی گۆڕدرا بۆ سوتاندنی بارەگا حكومی و حزبییەكان و بەو هۆیەش دوو گەنج شەهیدبوون و چەندانی تریش برینداربوون.

لەو ڕونكردنەوەیەدا وتویەتی: “هەندێ گروپ و لایەن بەئامانجی تایبەت دەیانەوێت لێكترازان و دوودڵی لەنێوان ئێمەو خەڵكی تێكۆشەری ڕانیە دروستبكەن، بێئاگا لەوەی من هەر لەساڵی ١٩٦٨ تاكو ئێستا لەخەبات دانەبڕاوم، تایبەتر بێ ئاگان لەوەی لەكاتی برینداربونمدا خەڵكی ڕانیە خوێنیان پێ بەخشیم و خوێنی ڕانیەییەكان لەگەڵ خوێنم تێكەڵ بووەو من بەخوێن قەرزداری خەڵكی ئەو دەڤەرەم”.

ئاشكراشیكردوە، لەچەند ڕۆژی ڕابردودا چەند گروپ و لایەنی قین لەدڵ، هەوڵی پەلاماردانی كەسێتی ئێمە دەدەن، ئەویش بەبڵاوكردنەوەی پڕوپاگەندەی ژەهراوی و دوور لەڕاستی، بۆ ئەو مەبەستەش كوڕی خەڵكی هەژار هاندەدەن بەمەبەستی نانەوەی پشێوی، ڕابردووی ئێمە شاهیدە بەقەرز هیچ كات نەترساوین، ئێمە پاڵپشتی هەموو خۆپیشاندانێكی مەدەنی ویاسایین، وە دژی هەر توندوتیژی وكارێكی تێكدەرانەین لەهەر لایەكەوە بێت.

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *