shadow

 

یەكێتیی نیشتمانیی كوردستان لەبەرامبەر ڕاگەیەندراوەكەی ئەنجومەنی سەركردایەتی پارتی دێتە دەنگ و داواشدەكات، ئەو نامەیە ئاشكرابكەن كە لەچەند ڕۆژی ڕابردوودا ئاراستەی كۆماری ئیسلامی ئێرانیان كردوەو ئەندامێكی ئەنجومەنی ناوەندیش ڕایدەگەیەنێت: پارتی شەڕی دوو ئیدارەیی دەكات.

“ئەوەی پارتی دەیكات شەڕی دوو ئیدارەییە، شەڕی ئەو شكستەیە كە مەسعود بارزانی و پارتی توشی هاتوون و كۆمەڵگەی نێودەوڵەتی ئامادە نین هەڵسوكەوتیان لەگەڵ بكەن، شەڕی ڕوخاندنی ئەو حكومەتەیە كە برازاكەی سەرۆكایەتی دەكات”.

عەتا سەراوی، ئەندامی ئەنجومەنی ناوەندی یەكێتیی نیشتمانیی كوردستان، ڕایگەیاند: لەچەند رۆژی رابردوودا، مەسعود بارزانی سەرۆكی پارتی، نامەیەكی نهێنی بۆ ئێران ناردووەو تێیدا پەشیمانی خۆی بۆ دۆستایەتیكردنی ئەمریكا دەربڕیوە.

ئاشكراشیكرد، بارزانی لەو نامەیەدا كە بە سیداد-ی برای رەوانەی كردووە، داوای ئاساییكردنەوەی پەیوەندییەكانی لەگەڵ تاران كردووەو هیوای ئەوەشی خواستووە، پەیوەندییەكانی نێوانیان هاوشێوەی ساڵانی حەفتاكان و هەشتاكانی سەدەی رابردوو، توندوتۆڵ بكرێنەوە.

عەتا سەراوی وتیشی: بارزانی لەو نامەیەیدا، كە ئاراستەی قاسم سولەیمانی كردووە، پاكانەیەكی زۆری بۆ كۆماری ئیسلامی كردووە.

لەوەڵامی تۆمەتەكانی پارتی كە لە راگەیاندراوەكەی ئەمڕۆیدا، ئۆباڵی بەدەستەوەدانی كەركوكی خستە ئەستۆی یەكێتی، عەتا سەراوی دەڵێت: “ئەوەی پارتی دەیكات شەڕی دوو ئیدارەییە، شەڕی ئەو شكستەیە كە مەسعود بارزانی و پارتی توشی هاتوون و كۆمەڵگەی نێودەوڵەتی ئامادە نین هەڵسوكەوتیان لەگەڵ بكەن، شەڕی ڕوخاندنی ئەو حكومەتەیە كە برازاكەی سەرۆكایەتی دەكات”.

عەتا سەراوی تەحەدا دەكات و دەڵێت: “با جورئەتی ئەوەیان هەبێت بەئاشكرا دوو ئیدارەیی ڕابگەیەنین و چیتر دەستی چەوری خۆیان بەیەكێتی نەسڕنەوە”.

ئاشكراشیكرد: بەهیچ جۆرێك لەم پەلامارانەی پارتی بێدەنگ نابین و ئەوان شەڕ بەرەو دوو ئیدارەیی دەبەن و ناشكرێت چیتر یەكێتی لەم پیلانگێڕیانە بێدەنگ بێت و پارتیش ئەگەر دوو ئیدارەیی ڕابگەیەنێت، لەهیچ شوێنێكی ئەم هەرێمە جێگەی نابێتەوە، بۆیە دەیانەوێت یەكێتی ناچار بەڕاگەیاندنی دوو ئیدارەیی بكەن، لەكاتێكدا ئێمە بەهیچ جۆرێك ناچینە ژێر باری ئەو ئەجێندایەی كە بارزانی و مەسروری كوڕی بەرنامەیان بۆ داڕشتووە.

سەراوی داوا لەسەرجەم لایەنە سیاسییەكانی هەرێم دەكات، وڵاتانی جیهان ئاگاداربكەنەوە كە پارتی بەنیازی چ پیلانگێڕییەكە.

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *