shadow

سکرتێری ئەنجومەنی ناوەندی داوا لە کۆمەڵگەی نێودەوڵەتی و وڵاتانی جیهان و رێکخراوە نێودەوڵەتیەکان دەکات ئەو هێرشە نارەوایەیی تورکیا بۆ سەر عەفرین مەحکوم بکەن و کۆتایی پێ بهێنن،داواش لە حکومەتی فیدراڵ دەکات فشار لەسەر تورکیا بکات بنکە سەربازییەکانی کە بەبیانووی رێگریکردن لە پارتی کرێکارانی کوردستاندا هەن لە خاکی عێراق بکشێنێتەوە.

ئەو قسانەی عادل موراد لە میانەی پێشوازیکردنی لە وەفدێکی کانتۆنی جەزیرە لە باکوری سوریا کرد کە پێکهاتبوون لە هەیفا عەبدول ئیلاه عەربو هاوسەرۆکی کانتۆنی جەزیرە و ئەفرام ئیسحاق جێگری هاوسەرۆکی جەزیرە پێکهاتە سریانی و فەنەر حسێن ئەلگعێد جێگری سەرۆکی دەستەی پەیوەندییەکان دەرەوەی کانتۆنی جەزیرە و هۆشەنگ دەرویێش و سلاڤا سلێمان ئەندامانی نوێنەرایەتی رۆژئاوا لە هەرێمی کوردستان.

عادل موراد پاش بەخێریهاتنی وەفدی میوان، تیشکی خستە سەر دواین گۆرانکارییەکانی هەرێمی کوردستان عێراق و ناوچەکە وەپرۆسەی دامەزراندنی کانتۆنەکان و لە رۆژئاوای کوردستان بە گرنگ وەسف کرد لە پێناو چەسپاندنی ئاشتی دیموکراسی و پاراستنی مافی هەموو پێکهاتەکانی سوریا.
وتیشی: پرۆسەی دیموکراسی لە باکوری سوریا توانی بە لێبووردەی و بەشداریکردنی پێکهاتەکان دەمارگیری نەتەوەی و تائیفی نەهێڵێت، هەروەها وتیشی:پێویستە حکومەتی سوریا دان بە بەو پرۆسە دیموکراسیەیی کە لە باکوری سوریا چەسپیوە بنێت کە دەبێتە نمونەیەکی هاوچەرخی سەرکەوتوو بۆ ئایندەی سوریا ، ئاماژەی بۆ ئەوەشکرد: یەکێتیی بەهەموو هێز و توانایەکیەوە پشتیوانی لەو ئەزموونە نوێیە دەکات لە پێناو لەناوبردنی تیرۆر و رەخساندنی هەلی گونجاو بۆ دانیشتوانی ناوچەکە کە خۆیان حکومی خۆیان بکەن.

وتیشی: عەفرین بووە سیمبولی خۆراگری و بەخوردان بۆ هەموو گەلانی ژێر دەستەی ناوچە و کە بە ئیرادەیەکی پۆڵاینەوە رووبەرووی گەوترەین هێزی سەربازی داگیرکەر دەبنەوە، داواشی لە کۆمەڵگەی نێودەوڵەتی و وڵاتانی جیهان و رێکخراوە نێودەوڵەتیەکان کرد ئەو هێرشە نارەوایەیی تورکیا بۆ سەر عەفرین مەحکوم بکەن و کۆتایی پێ بهێنن، داواشی لە گەلانی سوریا کردپارێزگاری لەو شارە بکەن و نەهێڵن دوژمنان و تیرۆریستان ئەو شارە داگیر بکەن، داواشی لە حکومەتی فیدراڵی کرد کە فشار لەسەر تورکیا بکات بنکە سەربازییەکانی کە بەبیانووی رێگریکردن لە پارتی کرێکارانی کوردستان لە خاکی عێراق بکشێنێتەوە.

لەلایەن خۆیەوە هەیفا عەبدول ئیلاه عەربو هاوسەرۆکی کانتۆنی جەزیرە سوپاسی رۆڵ و پشتیوانی و پشتگیری یەکێتی و بۆ خەباتی گەلانی باکوری سوریا لە دژی پیلانە ئیقیلیمی و نێودەوڵەتیەکان بەگرنگ وەسف کرد، وتیشی: تورکیا دەوڵەتێکی داگیرکەرە بەهێرشی بۆ سەر عەفرین و باکوری سوریا دەیەوێت پرۆسەی دیموکراسی لە ناوچە لەناوبەرێت چونکە هەر پرۆسەیەکی دیموکراسی لە ناوچەکە بە مەترسی لەسەر خۆیان دەزانن.

هەر لەو روانگەوە وەفدی میوان داوای پشتیوان و پشتیگری یەکێتیی نیشتیمانی کوردستان و سەرجەم پارت و لایەنەکانی هەرێمی کوردستان و عێراق کرد بۆ بەرخودان و خۆراگری گەلانی وسوریا.

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *