shadow

سکرتێری لقی سلێمانی سه‌ندیکای رۆژنامه‌نووسان: ژینگەی میدیایی سلێمانی پاکە.. تکایە پیسی مەکەن

سکرتێری لقی سلێمانی سه‌ندیکای رۆژنامه‌نووسانی کوردستان په‌یوه‌ست به‌و خۆپیشاندانانه‌ى چه‌ند رۆژێکه‌ له‌ شارى سلێمانى ده‌ستى پێکردووه‌ راگه‌یه‌نراوێکى بڵاوکرده‌وه‌ تێیدا راگەیاندراوە “رێگه‌ ناده‌ین هیچ هاووڵاتیه‌ک له‌م سنووره‌ سوکایه‌تی به‌ تیمه‌کانی که‌ناڵه‌کان بکات، ئه‌وه‌ش له‌ هه‌ولێر و زاخۆ روویاندا ره‌فتاری نه‌شیاو و ناشیرین بوون، گواستنه‌وه‌ی ئه‌و ره‌فتارانه‌ بۆ پایته‌ختی رۆشنبیری، لای ئێمه‌ قبوڵکراو نیه‌”.

دەقی راگەیەندراوەکە:

ژینگەی میدیایی سلێمانی پاکە.. تکایـــــــــــــە پیســــــــــی مەکــــــــــــــەن

ئەمڕۆ 1/11/2017 لەسەروبەندی ئەو خۆپیشاندانەی بۆ داواکاری مووچەو گێڕانەوەی مووچەکانی پێشوو کە گروپی مامۆستایانی ناڕازی لە سلێمانی ئەنجامیان دا، لەناو خۆپیشاندەرانەوە کۆمەڵێک خەڵکی قین لە دڵ و دوور لەخوڕەوشتی شارستانیانەی شاری سلێمانی و دەوروبەری، ویستیان ئازاری تیمی کەناڵی K24 بدەن، بەڵام خۆشبەختانە هێزەکانی پۆلیس و ئاسایش کارمەندانی تیمەکەیان بە خۆیان و کەلوپەلیانەوە پاراستوەو خۆشبەختانە هیچ زیانێکی گیانی و ماددیان پێنەگەیشتووە.
لێرەوە بە پێویستی دەزانین بۆ سەرجەم تیمی کەناڵەکان و خەڵکی بەشەرەفی دەڤەرەکەمان روونبکەینەوە، کە سەلامەتی گیان و ماڵی تیمەکان لە ئەستۆی ئێمەو هێزەکانی ناوخۆ دان، بۆیە رێگە نادەین هیچ هاووڵاتیەک لەم سنوورە سوکایەتی بە تیمەکانی کەناڵەکان بکات، ئەوەش لە هەولێر و زاخۆ روویاندا رەفتاری نەشیاو و ناشیرین بوون، گواستنەوەی ئەو رەفتارانە بۆ پایتەختی رۆشنبیری، لای ئێمە قبوڵکراو نیە..
ئێمە لە لقی سلێمانی سەندیکای رۆژنامەنووسانی کوردستان دەبینە پارێزەری سەروماڵی تیمەکانمان لەم سنوورەدا، بۆیە بەپێی بڕگەی پێنجەم لە ماددەی حەوتەمی یاسای ژمارە 35 ی کاری رۆژنامەگەری، هەر هاووڵاتییەک سوکایەتی بە رۆژنامەنووس یان دەستدرێژی بکاتە سەری، ئەوا بەرپرس دەبێت و لێپێچینەوەی یاسایی دەیگرێتەوە ..
داواکارین هاووڵاتیان و خۆپیشاندەران شارستانیانە مامەڵە لەگەڵ تیمەکانمان بکەن و رێزگرتن لە ئەندامانی سەندیکامان گەورەیی و رێزگرتنە لەجوانیەکانی پایتەختی رۆشنبیری ..
لەگەڵ هیوای ئارامی و ئاواتی پێکەوە ژیان

کاروان انور
سکرتێری لقی سلێمانی
سەندیکای رۆژنامەنووسانی کوردستان
1/11/2017

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *