shadow

 

مەلا عەلی کەڵەک کەسایەتی ئاینی کە خۆی بە پزیشکی نەبەوی دەناسێنێت رایدەگەیەنێت زۆر که‌س پرسیاریان له‌سه‌ر ریفراندۆم لێکردوم، منیش پرسم به‌خوای خۆم کرد و لە خەودا خوای گه‌وره‌ فه‌رمانی پێکردم که به‌‌ به‌ڵی ده‌نگ بۆ ریفراندۆمی هه‌رێمی کوردستان بده‌م.

هه‌ڵکه‌وت زاهیر گرتەیەکی ڤیدیۆی بڵاوکردوەتەوە کە سەردانی، مه‌لا عه‌لی که‌ڵه‌ک که‌سایه‌تی ئایینی شاری هه‌ولێر که‌ زیاتر خۆی به‌ پزیشکی نه‌به‌وی ده‌ناسێنێت دەڵێت “دوای ئه‌وه‌ی زۆر که‌س پرسیاریان له‌سه‌ر ریفراندۆم لێکردم، منیش وتم ده‌بێت پرس به‌خوای خۆم بکه‌م،

دەشڵێت “دوای کاتژمێر 12ی شه‌و دوو رکات نوێژی ئیستیخاره‌م کرد، واته‌ پرسکردن به‌خوا و داوام لێکرد ئه‌گه‌ر خێری تێدایه‌ دڵم خۆشبکات. له‌ خه‌ونه‌که‌مدا ماڵ و منداڵم چووین بۆ حه‌ج و جلوبه‌رگی حه‌جمان له‌به‌ر بوو، لەگەڵ خوا قسەم کرد، وتم ئێمە کیمیاباران و ئەنفالمان بەسەردا هاتوە چی بکەین بۆ ریفراندۆم؟ دەنگ بە بەلێ یان نەخێر بدەین؟ قسەی خوا ئەوەبوو بەڵێ هەڵبژێرن ، ئەوە قسەی من نیە قسەی خوایە پێی خۆشە،  پاشتر بۆ برایەکم گێڕایه‌وه‌ و ئه‌ویش وتی مانای ئه‌وه‌یه‌ ده‌بێ پشتگیری له‌ ریفراندۆم و سه‌ربه‌خۆیی کوردستان بکه‌ین .

لەکۆتای ئەو گرتە ڤیدیۆیەدا مەلا عەلی کەلەک رایدەگەیەنێت پرسم بەخوا کردوە و ئەوە قسەی من نیە” خوا پێی خۆشە کورد ببێتە دەوڵەت” .

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *