shadow

“پێشتر تۆمارکردنی شەهید پێویستی بەبەیان وەفات نەبووە، پێشمەرگە هەبووە دوو شاهیدی بردووە و خۆی کردوە بەشەهید”

لیژنەی لێکۆڵینەوە لە لیستی موچەی شەهیدانی هەرێمی کوردستان پێکدەهێنندرێت، وەزیری شەهیدانی رایدەگەیەنێت کەسانێک هەن زیندوون و چوچەی شەهیدانەیان بۆ کراوە .
لەوبارەوە ئەنەس دۆسکی جێگری سەرۆکی لیژنەی دەسپاکی لە پەرلەمانی کوردستان رایگەیاند: لیژنەی وەزارەتی شەهیدان چەند جارێک باسیان لە لیستی تۆماری شەهیدان کردوە کە ناعەدالەتی زۆری تێدایە کەسانێکی زۆر هەن زیندوون و کراون بە شەهید.
وتیشی: لەبەرئەوەی پێشتر تۆمارکردنی ناوی شەهید پێویستی بە بیان وەفات نەبووە، پێشمەرگە هەبووە دوو شاهیدی بردووە خۆی بەشەهید نوسیووە و ئێستا مووچەی شەهیدانەی خۆی وەردەگرێت، یان لەبری ئەوەی خۆی خانەنشین بکات خۆی کردووە بە شەهید.
لای خۆیەوە مەحمودی حاجی ساڵح وەزیری شەهیدان و ئەنفالکراوان بە ئاژانسی وت: گومانی زۆر هەیه لە تۆماری لیستی موچە خۆرانی شەهیدان کە تێيدایە زیندوە بەڵام نازانین چۆن و لە کوێوە کراوە بەشەهید.
وتیشی: هەرکات پرۆژە یاسای چاکسازی خانەنشین لە پەرلەمان پەسەند کرا ئەو کاتە بەپێی یاسا لیژنەیەک بۆ پێداچوونەوە بە لیستی شەهیداندا دروست دەکرێت و لەلایەن داوەرێکەوە سەرپەرشتی دەکرێت.

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *