shadow

ئەنجومەنی ناوەندی یەکێتی نیشتیمانی کوردستان به‌بۆنه‌ی بیست و شه‌شه‌مین ساڵڕۆژی دامه‌زراندنی یه‌که‌مین که‌ناڵی کوردی و نۆبه‌ره‌ی دوای ڕاپه‌ڕین و که‌ناڵی پێشمه‌رگه‌، بروسکه‌یه‌کی پیرۆزبایی ئاراسته‌ی ته‌له‌فزیۆنی گه‌ڵی کوردستان ده‌کات .

لە بروسکەکدا ئەوەخراوەتەڕوو: دامەزراندنی کەناڵی گەلی کوردستان پێویستیەکی هەنووکەیی و دەستپیشخەرییەکیتری گرنگ و ناوازەی هەڤاڵ مام جەلال و یەکێتی بوو بۆ کۆمەڵانی خەڵکی کوردستان و کاروانی رۆژنامەوانی ، رۆڵ و کاریگەری کەناڵی دایک بۆجۆرێک بوو کە چاوی لێبکرێت و دامەزراندنی چەند کەناڵێکیتریشی لێکەوتەوە، لەماوەی بیست وشەش ساڵی تەمەنیدا ڕۆڵی گرنگ و بەرچاوی هەبوە لە گەیاندنی پەیامی ئاشتی و تەبایی و سەقامگیری سیاسی و پیشەییانە روماڵی رووداوەکانی کردوە رۆڵی گرنگیشی لە رووماڵکردنی سەرکەوتن و قارەمانێتیەکانی هێزی پێشمەرگەی کوردستاندا گێرا لە بەگژداچوونەوەی پەلامارەکانی داعش بۆسەر خاک و خەڵکی کوردستان ، بەشانازییەوە نازناوی کەناڵی پێشمەرگەی پێبەخشراوە.

دەقی بروسکەکە:
بەرێزان بەرێوەبەر و کادیر و کارمەندانی کەناڵی گەلی کوردستان
سڵاوی کار و خەبات …

بە بۆنەی یادی بیست و شەشەمین ساڵەی دامەزراندنی یەکەمین کەناڵی کوردی و نۆبەرەی دوا راپەرین و کەناڵی پێشمەرگە بە ناوی سکرتاریەت و سەرجەم ئەندامانی ئەنجومەنی ناوەندی (ی.ن.ک) ەوە پیرۆزبایی گەرمتان ئاراستە دەکەین.

یەکێتی نیشتمانی کوردستان هەر لەسەرەتای دامەزراندنیەوە گرنگی و بایەخێکی ئێجگار گەورەی بە راگەیاندن داوە و چەندین ئامرازی راگەیاندنی لە قۆناغە جیاوازەکاندا هەبووە، کەناڵی گەلی کوردستانیش پێویستیەکی هەنووکەیی و دەستپیشخەرییەکیتری گرنگ و ناوازەی هەڤاڵ مام جەلال و یەکێتی بوو بۆ کۆمەڵانی خەڵکی کوردستان و کاروانی رۆژنامەوانی و میدیایی بینراو ، رۆڵ و کاریگەری کەناڵی دایک بۆجۆرێک بوو کە چاوی لێبکرێت و دامەزراندنی چەند کەناڵێکیتریشی لێکەوتەوە.

کەناڵی گەلی کوردستان لەماوەی بیست وشەش ساڵی تەمەنیدا ڕۆڵی گرنگ و بەرچاوی هەبوە لە گەیاندنی پەیامی ئاشتی و تەبایی و سەقامگیری سیاسی و پیشەییانە روماڵی رووداوەکانی کردوە رۆڵی گرنگیشی لە رووماڵکردنی سەرکەوتن و قارەمانێتیەکانی هێزی پێشمەرگەی کوردستاندا گێرا لە بەگژداچوونەوەی پەلامارەکانی داعش بۆسەر خاک و خەڵکی کوردستان ، بەشانازییەوە نازناوی کەناڵی پێشمەرگەی پێبەخشراوە.

لەکاتێکدا ماوەی 3 ساڵە قەیرانی دارایی کە کاریگەری نەرێنی لەسەرجەم ئۆرگان و کەناڵەکانی راگەیاندن دروستکردوە ولەهەمان کاتیشدا کادیر و کارمەندانی گەلی کوردستان پێشمەرگە ئاسا کارەکانیان رادەپەرێنن ئەوەیش جێگەی دڵخۆشکەری و بەرزنرخاندنی هەڵوێست و دڵسۆزییانە بۆ رێبازەکەی هەڤاڵ مام جەلال.

دووبارە پیرۆزبایتان لێدەکەین و هیوای سەرکەوتنی زیاترتان بۆ دەخوازین .


ئەنجومەنی ناوەندی ی.ن.ک
11/9/2017

 

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *