shadow

ئەنجومەنی ناوەندی یەکێتی نیشتیمانی کوردستان بەبۆنەی داگیرساندنی مۆمی حەوتەمین ساڵەی دامەزراندنی کەناڵی کەرکوک، بروسکەیەکی پیرۆزبایی ئاراستەی بەرێوەبەر و سەرجەم کادیر و کەرمەندانی کەناڵەکە دەکات و رایدەگەیەنێت کەناڵی کەرکوک لەماوەی شەش ساڵی تەمەنیدا ڕۆڵی گرنگ و بەرچاوی هەبوە لە گەیاندنی پەیامی ئاشتی و پێکەوە ژیان لە نێو پێکهاتە جیاوازەکان و بە چوار زمان روماڵی رووداوەکانی کردوە و پەیامەکانی گەیاندوە بە سەرجەم چین و پێکهاتەکان و رۆڵی گرنگیشی لە رووماڵکردنی سەرکەوتن و قارەمانێتیەکانی هێزی پێشمەرگەی کوردستاندا گیرا لە پاراستنی خاک و خەڵکی شارەکە لە پەلاماری تیرۆریستانی داعش بۆ سەر کەرکوک .

دەقی بروسکەکە:

بەرێزان بەرێوەبەر و کادیر و کارمەندانی کەناڵی کەرکوک
سڵاوی کار و خەبات …

بە بۆنەی حەوتەمین ساڵيادی دامەزراندنی کەناڵی کەرکوک دیاری هەڤاڵ مام جەلال بۆ کەرکوکیەکان بە ناوی سکرتاریەت و سەرجەم ئەندامانی ئەنجومەنی ناوەندی (ی.ن.ک) ەوە پیرۆزبایی گەرم ئاراستەی بەرێوەبەر و ستافی بەڕێوەبردن و سەرجەم کادیر و کارمەندان دەکەین.

یەکێتی نیشتمانی کوردستان هەر لەسەرەتای دامەزراندنیەوە گرنگی و بایەخێکی ئێجگار گەورەی بە راگەیاندن داوە و چەندین ئامرازی راگەیاندنی لە قۆناغە جیاوازەکاندا هەبووە،  کەناڵی کەرکوکیش پێویستیەکی هەنووکەیی بوو هەڤاڵ مام جەلال ئەو  دیارییە بەنرخەی پێشکەشی سەرجەم نەتەوە و پێکهاتەکانی کەرکوک کرد .
کەناڵی کەرکوک لەماوەی شەش ساڵی تەمەنیدا ڕۆڵی گرنگ و بەرچاوی هەبوە لە گەیاندنی پەیامی ئاشتی و پێکەوە ژیان لە نێو پێکهاتە جیاوازەکان و بە چوار زمان روماڵی رووداوەکانی کردوە و پەیامەکانی گەیاندوە بە سەرجەم چین و پێکهاتەکان و رۆڵی گرنگیشی لە رووماڵکردنی سەرکەوتن و قارەمانێتیەکانی هێزی پێشمەرگەی کوردستاندا گیرا لە پاراستنی خاک و خەڵکی شارەکە لە پەلاماری تیرۆریستانی داعش بۆ سەر کەرکوک ، لەکاتێکدا ماوەی 3 ساڵە قەیرانی دارایی  کە کاریگەری نەرێنی لەسەرجەم ئۆرگان و کەناڵەکانی راگەیاندن دروستکردوە ولەهەمان کاتیشدا کادیر و کارمەندان پێشمەرگە ئاسا کارەکانیان رادەپەراندوە ئەوەیش جێگەی دڵخۆشکەری و بەرزنرخاندنی هەڵوێست و دڵسۆزییانە بۆ رێبازەکەی هەڤاڵ مام جەلال.

دووبارە پیرۆزبایتان لێدەكەين هیوای سەرکەوتنی زیاترتان بۆ دەخوازین

ئەنجومەنی ناوەندی ی.ن.ک

3/9/2017

 

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *