shadow

ئەنجومەنی ناوەندی یەکێتی نیشتیمانی کوردستان بەبۆنەی یادی یۆبیلی زیوینى کوردستانی نوێ بروسکەیەکی پیرۆزبایی ئاراستەی سەرنوسەر و ستافی بەڕێوەبردن و سەرجەم کادر و کارمەندانی ئەو رۆژنامەیەی دەکات.
لەبەشێکی بروسکەکەدا هاتوە :” رۆژنامەی کوردستانی نوێ بەهەوڵ و کۆششی هەڤاڵی بەڕێز ( مام جەلال ) و سەرکردایەتی یەکێتی دەرکرا و هه‌میشه‌ سیاسه‌تی چه‌پکه ‌گوڵه‌که‌ی په‌یڕه‌و کردووه‌ و هه‌ست به‌ لێپرسراوێتیی نه‌ته‌وه‌یی و نیشتمانی و پێشه‌یی خۆی کردوە و لە کاروانی رۆژنامەوانی کوردیدا بەردەوامە و خزمەتێکی ئێجگار گەورەی بەو بوارە گەیاندوە.

دەقی بروسکەکە:

بەرێزان / سەرنوسەر و و ستافی بەڕێوەبردن و سەرجەم کادر و کارمەندانی کوردستانی نوێ

بە ناوی سکرتاریەت و سەرجەم ئەندامانی ئەنجومەنی ناوەندی (ی.ن.ک) ەوە بەبۆنەی یادی یۆبیلی زیوینى کوردستانی نوێ جوانترین پیرۆزبایتان ئاراستە دەکەین و هیوای هەمیشە سەرکەوتنتان بۆ دەخوازین.

یەکێتی نیشتمانی کوردستان هەر لەسەرەتای دامەزراندنیەوە گرنگی و بایەخێکی ئێجگار گەورەی بە راگەیاندن داوە و چەندین ئامرازی راگەیاندنی لە قۆناغە جیاوازەکاندا هەبووە .

رۆژنامەی کوردستانی نوێش لە پاش راپەڕین و لە (12/1/1992) بەهەوڵ و کۆششی هەڤاڵی بەڕێز ( مام جەلال ) و سەرکردایەتی یەکێتی دەرکرا کەله‌ باسی رۆژنامه‌که‌دا ‌ ده‌ڵێت:” بۆ کوردستانێکی نوێیه‌ و له‌هه‌مووانه‌و هی هه‌مووانه‌و بۆ هه‌مووانه‌” ، کوردستانی نوێ هه‌میشه‌ سیاسه‌تی چه‌پکه ‌گوڵه‌که‌ی په‌یڕه‌و کردووه‌ و هه‌ست به‌ لێپرسراوێتیی نه‌ته‌وه‌یی و نیشتمانی و پێشه‌یی خۆی کردوە و لە کاروانی رۆژنامەوانی کوردیدا بەردەوامە و خزمەتێکی ئێجگار گەورەی بەو بوارە گەیاندوە.

کوردستانی نوێ وەک یەکەم رۆژنامەی رۆژانە و لەماوەی 25 ساڵی تەمەنیدا خەرمانێکی پر بەرهەمی لە بواری رۆژنامەوانی کوردیدا فەراهەم کردوە و قوتابخانەیەک بوە بۆ پێگەیاندنی رۆژنامەنوسان ومیدیاکاران .

دووبارە پیرۆزباییتان لێدەکەین و هیوای سەرکەوتنی زیاترتان بۆ دەخوازین .
لەگەڵ ڕێزدا…

ئەنجومەنی ناوەندی (ى.ن.ک)

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *