shadow

 

بەبۆنەی چلەی شەهیدبوونی پۆلێک ئەفسەر و پێشمەرگەی یەکێتی نیشتیمانی کوردستان لە بەرگریکردن لە کەرکوکی قودسی کوردستان، ئەنجومەنی ناوەندی بروسکەیەکی ماتەمینی ئاراستەی کەسوکار و خانەوادە سەربەرزەکانیان دەکات.

دىقی بروسکەکە:

بەرێزان / خانەوادە و کەس و کارى سەربەرزى پۆلێک شەهیدی بەرگریکردنن لە کەرکوکی قودسی کوردستان
بابەت / بروسکەی ماتەمینی
سڵاوێکی گەرم…

بە ناوى سکرتاریەت و سەرجەم ئەندامانى ئەنجومەنى ناوەندى یەوە بەبۆنەی چل رۆژ بەسەر شەهیدبوونی پۆلێک ئەفسەر و پێشمەرگەی قارەمان کە بۆ بەرگریکردن لە خاکی پیرۆزی کەرکوک گیان خۆیان بەخت کرد ، هاوخەمى و ماتەمینى و دڵگرانى خۆمان دەردەبڕین و و سەرەخۆشى لە خۆمان و کەس و کار و خانەوادە و هاوڕێ و هاوسەنگەرانىان دەکەین و بەڵێن دووپاتدەکەینەوە درێژە بە رێبازە پیرۆزەکەىان بدەین.

ئەم پۆلە شەهیدەی یەکێتی نیشتیمانی کوردستان داستانێکی قارامانانەیان تۆمارکرد و هەتا زنجیری دەبابە و زرێپۆشەکانی حکومەتی عێراق بەسەر لاشەکانیاندا تێنەپەرین ئامادەنەبوون سەنگەری بەرگریکردن لە کەرکوکی قودسی کوردستان هەڵگرن و بەخوێنی خۆیان کوردستانی بوونی کەرکوکیان سەلماندەوە.

لەدەسەتدانی ئەم پۆلە ئەفسەر و پێشمەرگە بەووریە پۆڵاینانە زیانێکی گەورەی بە یەکێتی نیشتیمانی کوردستان و گەلی کورد و هێزی پێشمەرگە و یەکێتی نیشتیمانی کوردستان و خێزان و خانەوادەکانیان گەیاند.

باشترین وەفاداریش بۆ گیانی پاکی ئەم پۆلە شەهیدە بەڵێن دوپاتکردنەوەیە بۆ رێبازە پیرۆزکەیان و بەردەوام بوون لەسەر کاروانی خەبات و خزمەتکردنی کەسوکاری سەربەرزی شەهیدان .

هەزاران سڵاو لە گیانى پاکى ئەم پۆلە شەهیدە و سەرجەم شەهیدانى رێگاى رزگارى و ئازادى کورد و کوردستان .

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *