shadow

ئەمڕۆ سێ شەممە ٤⁄٧⁄٢٠١٧ زوبێر عوسمان جێگری سکرتێری ئەنجومەنی ناوەندی بە نوێنەرایەتی ئەنجومەنی ناوەندی یەکێتی نیشتیمانی کوردستان بەشداری چلەی ماتەمینی شەهیدی فەرماندە (جەمال فەتاح قلرخی )  لە قەزای سەیدسادق کرد .

زوبێر عوسمان وێڕای گەیاندنی خەم و ماتەمینی ھەڤاڵانی سکرتارییەت و ئەندامانی ئەنجومەن بە بنەماڵە و کەسوکاری سەربەرزی شەھیدی فەرماندە بەڵێنی بەردەوامبوون لەسەر خەبات و تێکۆشان بۆ بەدیھێنانی سەرجەم  ئاواتە بەدینەھاتوەکان و ڕێبازی پیرۆزی شەھیدان دووپاتکردەوە.

هەر بەو بۆنەوە ئەنجومەنی ناوەندی بروسکەیەکی ماتەمینی ئاراستەی بنەماڵە و کەسوکاری شەهیدی نەمر کردوە ، لە بروسکەکەدا هاتوە : ” بە ناوى سکرتاریەت و سەرجەم ئەندامانى ئەنجومەنى ناوەندی یەوە، بۆ بۆنەی چلەی ماتەمینی شەهیدی نەمر رائید (جەمال فەتاح)، هاوخەمى و ماتەمینى و دڵگرانى خۆمان رادەگەیەنین و سەرەخۆشى لە خۆمان و کەسوکار و هاوڕێ و هاوسەنگەرانى دەکەین و باشترین وەفایش درێژەپێدانی رێبازەکەیەتی”

لەبەشێکیتری بروسکەکەدا: شەهیدی نەمر لە بنەماڵەیەکی ئاینی و شۆڕشگێر و نیشتیمان پەروەر چاوی بەدنیا هەڵهێناوە و خاوەن کەسایەتیەکی تایبەت و ئەفسەرێکی بەوورە پۆڵاینی هێزی پێشمەرگەی کوردستان بوو ، هەر لەسەرەتای لاوێتیەوە هەستی نەتەوایەتی و خۆشەویستی بۆ خاک و نیشتیمان لە ناو دڵ و دەرونیدا چەکەرەى کردوە و لە ساڵی 1984 و لە تەمەنی 14 ساڵیدا پەیوەندی بە رێکخستەنەکانی یەکێتی نیشتیمانی کوردستانەوە کردوە، لە ساڵی 1991 بەشداری کاریگەری لە راپەرینە مەزنەکەدا کردوە ، لە ساڵی 2004 بەشداری خولی ئەفسەرانی کردوە وبووە بە ئەفسەر لە فەرماندەی شارەزوور، خۆێندکاری قۆناغی سێیەمی کۆڵیژی (یاسا و رامیاری) بوو.

لە بروسکەکەدا ئاماژە بۆ ئەوەشکراوە : شەهیدی نەمر لە سەرەتای شەری داعشەوە رۆڵێکی مەزنی بینی لە پارێزگاری کردن لە خەڵک و خاکی کوردستان لە پەلاماری تیرۆریستانی داعش بۆ سەر خاکی کوردستان ، هەزار حەیف و مخابن لە 5/5/2017 لە زەرگەی بناری حەمرین گەیشتە کاروانی نەمران.

هەواڵی پەیوەست

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *